ماذا لو كان هذا الشخص ابوك :) (ابو الماس)

بو الماس انسان حقيقي
راح اقولكم قصتة
من غير ما اقولكم من اي قبيلة اهو
لان كل قبيلة فيها الزين والشين
وشخص واحد مايعم ويكون هالشخص
كاساس انة نبني علية افكار
عن مسمى القبلي
ويكون يمثل الجميع الا ان لكل قاعدة شواذها


بو ألماس الشهير للجميع في منطقتنا
أنسان لمجرد انك تشوفة ماراح يطري عليك
الا انة اكثر انسان يستحق الصدقة
اهلة طبعا كلهم ككل ملابس قديييييييييييييييمة
الخيوط منثرة من كل صوب
تكرمون النعلة من كثر ماهي مترقعة وملعون بوخيرها
الخير تقولون لاحول ولاقوة الا بالله ...
العبي المرقعة والملفع الي متنثرة خيوطة وتشوفونة
شيفون من كثر ما راحت خيوطة مع الزمن
المهم بو الماس ماعندة سيارة
دايما يمشي مشي
اهو لو تشوفونة دشداشتة موقصرة والله كل الرقع فيها
وخيوطها منثرة بكل مكان
مايتسبح شكلة قدييم
لما تشوفة تقول انك تشوف فلم ابيض واسود :\

بو الماس حالتة تصعب على الكافر
لان بيتهم مافي سيراميك ولا فية
مفروشات مثلنا
بيتهم على نظام الحكومة الاولي
كل الي يشوفون هالبيت عبالهم مهجور
ولعلمكم الخاص بس والله العظيم سمعت هالكلام
من ناس ثقة ونعرفهم تذكرون ايام الغزو يوم دشو
العراقين البيوت كلها وقامو ينهبون فيها؟؟
شرايكم بالي يقولكم الا بيتهم محد قرب منة !!

بو الماس صراحة حدة حدة فقير
من شكلهم كشكل
بس الي يقولكم انة بوهباش على ارض الواقع؟؟
البنك الي يدشة يعطونة مليون تحية وتعضيم سلام؟؟؟
عنده برصيدة ملايين اقسم بالله لو يحطونة من مليونيرات العالم
لتلاقون الفلوس كلها عندة
والبنك قايم على رجولة بس من فلوسة!!
بتسئلوني ليش معيش اهلة جذي؟؟
اشرايكم ليت مايبطلونة انسان تحتر جبدة على الدينار اذا صرفة
يحس بقهر اذا صرف دينار
عيالة كلهم طالعين علية
استحاااااااالة يصرفون دينار واحد
حتى لما يبون يرممون بيتهم لان على وشك الانهيار
راح لبيت الزكاة قال ماعندي فلوس عشان مايصرف ولافلس :\
ابصراحة بيني وبينكم انا اتوقعهم مايزكون صراحة نهائيا :\


تخيل ابوك جذي؟؟ ويكون عندة فلوس الدنيا والدين
ويكون اهو بو الماس شنو تقولة؟؟؟ شبتسوي؟؟
لي صار صديقك او صديقتج احد من عيال بو الماس
بتحرجة كون هالشخص اقل منك بكل شي ؟؟؟
لكن بالنهاية مانقول الا الحمدالله على النعمة
والحمدالله على اباءنا الي ربي خلقنا وسخرنا لهم