وناسه شباب في الاسواق (شعر فكاهى)

من طرف al-7ob الخميس ديسمبر 11, 2008 8:48 pm

اتعبني الترقيم من سوق الي سوق
كني موظف في حراسات الأسواق
لزقت فيها لزقة علوك ( باطوق )

حتى عرفني كل بايع وسواق
من شافني يقول تاجر ومرموق
في اللبس انا رسمي ورايق وذواق

وانا منتف في الحقيقة ومزنوق
حظي مجنب بي عن دروب الأرزاق

عقلي من الخفرات لاذع ومحروق
من يفتحون السوق وانا على ساق

الحق بنات الناس هايم ومطفوق
ومخباي مليانه من أركان الأوراق

شبّكت ( هند ) و( ريم ) والثالثة ( شوق )
والرابعة والخامسة ( وعد ) و ( أشواق )

دايم وجوالي على الآذن ملصوق
محبوبتي ما تحتمل بعد وإفراق

تقول ( ثامر ) وإسمي الصدق ( مرزوق)
لا يابعد ( ثامر ) و( مرزوق) و ( إسحاق )

ألعب عليها لعب عاشق بمعشوق
وأبني براس الحلوه جسور وأنفاق

هذي ... سلوم اهل الهوى كلها بوق
أكثر ضحايا الناس في الوقت عشاق